फोन नंबरशिवाय व्हॉट्सअॅप वापरणे

'व्हॉट्सअॅप'शिवाय आता आपले पानही हलत नाही; पण या अॅपचा 'स्मार्ट' वापर करण्याच्या सगळ्या ट्रिक्स आपल्याला माहिती असतातच असे नाही. अशाच काही वेगळ्या क्लृप्त्यांविषयी...



'लास्ट सीन' आहे तसेच ठेवणे


इंटरनेट बंद करून 'व्हॉट्सअॅप'वर मेसेज टाइप करून पाठवला आणि मग व्हॉट्सअॅप बंद करून इंटरनेट चालू केले, तर 'लास्ट सीन' पूर्वी होता तोच राहतो. बदलत नाही.

फोन नंबरशिवाय व्हॉट्सअॅप वापरणे

व्हॉट्सअॅप डाउनलोड केल्यावर मोबाइल फोन 'फ्लाइट मोड'वर ठेवून 'व्हेरिफिकेशन मेसेज' ब्लॉक करा. त्यानंतर 'व्हेरिफाय थ्रू ई-मेल' हा पर्याय निवडून ई-मेल आयडी टाका आणि सेंडिंग मेसेज कॅन्सल करा. अशा प्रकारे आपण फोन नंबरशिवायही व्हॉट्सअॅप वापरू शकतो.



डिलिटेड मेसेज वाचण्यासाठी काय करावे?

'व्हॉट्सअॅप'च्या डेटाबेस फोल्डरमध्ये जा. त्यात 'msgstore-2014-01-04.1.db.crypt' आणि 'msgstore.db.crypt' अशा दोन फाइल्स दिसतील. त्यापैकी दुसरी फाइल 'backup-msgstore.db.crypt' या नावाने सेव्ह करा. त्यानंतर मेसेज असलेली फाइल 'msgstore.db.crypt' या नावाने सेव्ह करा. आता सेटिंग्स-अॅप्लिकेशन्स-मॅनेज अॅप्लिकेशन्स-व्हॉट्सअॅपमध्ये जाऊन 'क्लिअर डेटा'वर क्लिक करा. व्हॉट्सअॅप ओपन करून बॅकअप रिस्टोअर करा.


आपला मेसेज नेमका किती वाजता वाचला आहे हे पाहणे

मेसेजवर लाँग प्रेस करा. मग उजवीकडच्या कोपऱ्यातील 'i' (Info)पर्याय निवडा. त्यावर हा मेसेज किती वाजता वाचला गेला आहे, हे कळेल.

दुसऱ्याचा डीपी बदलणे

हे तुम्हाला सहज करता येते, पण फक्त तुमच्याच फोनसाठी. ५६१x५६१ आकाराचा एक फोटो एसडी कार्डमध्ये सेव्ह करा आणि तुमच्या मित्राचा फोन नंबर वापरून तो रिनेम करा.


फोन नंबर बदलणे

यासाठी सेटिंग्ज-अकाउंट-चेंज नंबर या मार्गाने जा.


काँटॅक्ट ब्लॉकिंग कसे ओळखावे?


संबंधित व्यक्तीला एखाद्या ग्रुपमध्ये अॅड करण्याचा प्रयत्न करा. ते होत नसेल, तर त्याने तुम्हाला ब्लॉक केले आहे, हे समजून जा.


ब्लू टिक्स नाहीशा करणे

यासाठी सेटिंग्ज-अकाउंट-प्रायव्हसी यामध्ये जाऊन 'रीड ‌रेसिपिएंट'चा पर्याय डिसेबल करा.

काही गमतीदार गोष्टी

हल्ली 'व्हॉट्सअॅप'वर काही फसवे मेसेजही दिसतात. म्हणजे चित्र दिसते एक आणि त्यावर क्लिक केल्यावर ओपन मात्र भलतेच चित्र होते. ही किमया आहे एफएचयू अॅप (fhuapp) आणि 'मॅज‌िअॅप'ची (magiapp).

'व्हॉट्सअॅप'वर आपण नेमका किती वेळ घालवतो, कोण आपले प्रोफाइल सगळ्यात जास्त वेळा पाहते, हे सगळे समजण्यासाठी व्हॉट्सस्टेट हे अॅप वापरता येते.

एखाद्या खास मित्राला एका विशिष्ट वेळेला काही मेसेज पाठवायचा असेल, तर त्यासाठी व्हॉट्सअॅप मेसेंजर शेड्युलर लाइट (WhatsApp messenger scheduler lite) हे अॅप वापरता येईल.

आपली प्रिय व्यक्ती कधी ऑनलाइन येते, हे व्हॉट्सडॉग या अॅपच्या साह्याने सहज कळते.

'व्हॉट्सटूल्स' या अॅप्लिकेशनद्वारे आता आपण एक जीबीपर्यंतची पीडीएफ फाइल पाठवू शकतो.